ჰელსინკში, მამაკაცი ავტომანქანით ხალხის ჯგუფს დაეჯახა, რის შედეგადაც ერთი ადამიანი დაიღუპა. ამის შესახებ "როიტერი" პოლიციაზე დაყრდნობით იუწყება.
სამართალდამცველების ინფორმაციით, სულ მცირე ოთხი ადამიანი დაშავდა.
ავტომანქანის მძღოლი დაკავებულია. ის 50 წლის მამაკაცია. პოლიციაში ვარაუდობენ, რომ ის არაფხიზელ მდგომარეობაში იმყოფება.
ტერიტორია, სადაც ინციდენტი მოხდა, პოლიციას აქვს შემოსაზღვრული. ინციდენტის სხვა დეტალები უცნობია.